సచివాలయ ఉద్యోగుల రాత పరీక్ష కేంద్రం మార్పునకు అవకాశం

సచివాలయ ఉద్యోగుల రాత పరీక్ష కేంద్రం మార్పునకు అవకాశం

ఆంద్రప్రదేశ్ రాష్ట్రంలో   గ్రామ, వార్డు సచివాలయ ఉద్యోగ నియామక రాత పరీక్షలకు దరఖాస్తు చేసుకున్న వారు తమ పరీక్ష కేంద్రాన్ని మార్చుకోవడానికి ప్రభుత్వం వీలు కల్పించింది. అభ్యర్థులు ఆన్లైన్ ద్వారా ఈ నెల 9వ తేదీ సాయంత్రం 5 గంటలలోపు పరీక్ష కేంద్రం మార్పు కోరుతూ దరఖాస్తు చేసుకోవచ్చని పంచాయతీరాజ్ శాఖ కమిషనర్ గిరిజాశంకర్ ఒక ప్రకటనలో తెలిపారు. అభ్యర్థుల నుంచి పెద్ద ఎత్తున అభ్యర్థనలు రావడంతో ఈ అవకాశం కల్పిస్తున్నామని ఆయన పేర్కొన్నారు.

గ్రామ, వార్డు సచివాలయాల్లో ఖాళీగా ఉన్న రకాల పోస్టులకు సంబంధించి మొత్తం 16,208 ఉద్యోగాల భర్తీకి ఈ ఏడాది జనవరిలో పంచాయతీరాజ్, మున్సిపల్ శాఖలు వేర్వేరు నోటిఫికేషన్లు జారీ చేసిన విషయం తెలిసిందే.